கன்னியாகுமரி மாவட்டம் குளச்சல் அருகே தனது விருப்பமின்றி பெற்றோர் திருமணம் செய்து வைத்துவிட்டதாகக் கணவருக்கு வாட்சப் ஆடியோ செய்தி அனுப்பிவிட்டு, தாலியை கழட்டி வைத்து விட்டு திருமணமான 18 நாளில் புது மணப்பெண் மாயமாகியுள்ளார்.
செம்பொன்விளையைச் சேர்ந்த இளைஞருக்கும் வள்ளியூர் நாசரேத்தைச் சேர்ந்த இளம்பெண்ணுக்கும் கடந்த 3ஆம் தேதி திருமணம் நடந்துள்ளது. சென்னையில் மென் பொறியாளராகப் பணியாற்றி வந்த அப்பெண்ணை வரதட்சணை எதுவும் பெறாமல், இருவீட்டார் சம்மதத்துடன் இளைஞர் திருமணம் செய்துள்ளார். கடந்த வெள்ளிக்கிழமை கணவர் வேலைக்குச் சென்றிருந்த நேரம், 7 சவரன்தாலியை கழற்றி வைத்துவிட்டு, இளம்பெண் மாயமாகியுள்ளார். தனது விருப்பமின்றி திருமணம் செய்துவைத்துவிட்டனர் என்றும் உங்களோடு என்னால் சந்தோஷமாக வாழ முடியாது என்றும் ஆடியோவில் இளம்பெண் கூறியுள்ளார்.
