தூத்துக்குடி மாவட்டங்களில் உடன்குடி பகுதியில் உற்பத்தியாகும் கருப்பட்டி புகழ்பெற்றதாகும். தமிழ்நாடு மட்டுமல்லாமல் இந்தியா முழுவதும் உடன்குடி கருப்பட்டி கிடைக்கும். தற்போது பனை மரங்களில் பதநீர் எடுக்கும் சீசன் தொடங்கிவிட்டது. குறைந்த அளவு பதநீர் கிடைப்பதால் சிலர் அதை உடனுக்குடன் விற்பனை செய்து வருகின்றனர்.
சிலர் மூன்று நாள் வரை பக்குவப்படுத்திவைத்து பின்னர் கருப்பட்டி ஆக உற்பத்தி செய்கின்றனர். புதிய கருப்பட்டி ஒரு கிலோ ரூ. 300 வரை விற்பனை செய்யப்பட்டு வருகிறது. தற்போது புதிய கருப்பட்டியை மக்கள் அதிக அளவில் விரும்பி வாங்கிச் செல்கின்றனர்.
மேலும் ஒரு சில வியாபாரிகள் புதிய கருப்பட்டியை வாகனங்களில் வைத்து ஊர் ஊராகக் கொண்டு சென்று விற்பனை செய்து வருகின்றனர். பழைய கருப்பட்டி கிலோ ரூபாய் 400 வீதம் விற்பனை செய்யப்படுகிறது. அத்துடன்
10 கிலோ எடையுள்ள
பழைய கருப்பட்டி சிப்பம்
ரூபாய் 3,800-க்கு விற்பனை
செய்யப்பட்டு வருகிறது.
